പട്ടാള അട്ടിമറി...

എല്ലാവരും കുലംഘഷമായ ചര്‍ച്ചയിലാണ്‌.

"നമുക്കൊരു ആറ്റം ബോംബിട്ടാലൊ", ആരോ ചോദിച്ചു.
"അതുവേണ്ട, ചിലപ്പൊ നമുക്കു വല്ല പരിക്കും പറ്റാന്‍ സാധ്യതയുണ്ട്‌", ഞാന്‍ പറഞ്ഞു.

ഞങ്ങളുടെ മാനേജറെ ഒരു ബലപ്രയോഗത്തിലൂടെ പുറത്താക്കി അധികാരം കൈക്കലക്കുന്നതിന്‌റെ മാസ്റ്റര്‍ പ്ളാന്‍ മീറ്റിംഗ്‌ ആണ്‌ അവിടെ നടക്കുന്നത്‌.

ഞാനാണ്‌ പടനായകന്‍, ഒരു സേനാനായകന്‌റെ തൊപ്പി ഒക്കെ വച്ചിട്ടുണ്ട്‌. എന്നാലും എനിക്കിതിനുള്ള കഴിവൊക്കെയുണ്ടൊ, ചിലപ്പോള്‍ ഞാനൊരു സംഭവമായിരിക്കും ഞാന്‍ സമാധാനിച്ചു.

"ധീരാ ധീരാ നേതാവെ, ധീരതയോടെ നയിച്ചോളൂ, പത്തല്ല പതിനായിരമല്ല ലക്ഷം ലക്ഷം പിന്നലെ", ആ മനോഹരമായ വിപ്ളവ മുദ്രാവക്യം എന്‌റെ മനസിലേക്ക്‌ കടന്നു വന്നു.

ഞാന്‍ ചുറ്റും നോക്കി, ഒരു നാലഞ്ചുപേരെന്‌റെ മുന്നിലിരുപ്പുണ്ട്‌. കഷ്ടം, എനിക്കെന്നോടുതന്നെ ചെറിയൊരു വെറുപ്പു തോന്നി.

അവസാനം കാരമുള്ള്‌, ചാക്കുവള്ളി, ചൂലീര്‍ക്കിലി തുടങ്ങിയ മാരകായുധങ്ങളുമായി ഞങ്ങള്‍ സാറിന്‌റെ കാബിന്‍ ലക്ഷ്യമാക്കി മുന്നോട്ടുനടന്നു.

വല്ലഭനു പുല്ലും ആയുധം എന്നുറക്കെ പ്രഖ്യാപിച്ചുകൊണ്ട്‌, ഒരു പുല്‍ക്കൊടിപോലുമെടുക്കതെ നേതാവ്‌ ചമഞ്ഞ്‌ ഞാനാണ്‌ മുന്നില്‍. (അതു വല്ലഭനല്ലെ എനിക്കല്ലല്ലൊ എന്നെങ്കിലും ഞാന്‍ മനസിലാക്കേണ്ടിയിരുന്നു).

"ഊം എന്തു വേണം", ചോദിക്കതെ അകത്തുകയറിയത്‌ ഇഷ്ടപ്പെടാതെ സര്‍ ചോദിച്ചു.

"അല്ല... സര്‍... ഞങ്ങള്‍ ഇങ്ങനെ ബലപ്രയോഗം... ഈ പട്ടള അട്ടിമറി ഒക്കെ ഇല്ലെ...
അതുപോലെ... അധികാരം പിടിച്ചടക്കാന്‍ വന്നതാണ്‌", എല്ലാവരും കൂടി ഒരുവിധം പറഞ്ഞൊപ്പിച്ചു.

"പ്ഫാ, പോയിരുന്നു പണിയെടുക്കടാ", ഒരൊറ്റ ആട്ടായിരുന്നു... ഞെട്ടിത്തിരിഞ്ഞ എന്‌റെ തല കട്ടിലിന്‌റെ മൂലയില്‍ പോയിടിച്ചു.

"അയ്യോ... അമ്മേ... " എന്നുറക്കെ വിളിച്ചുകൊണ്ടു ഞാന്‍ ഞെട്ടിയുണര്‍ന്നു.